“Fotos de Rua – Branco e Negro”, Alberto A. Pereira na À moda antiga

Cada día, as persoas na súa andaina vital, escenifican múltiples actos que normalmente nos pasan desapercibidos. Se por un momento nos paramos, veremos cantidade de situacións cotiás dignas de plasmar e documentar.

Situacións normais ou curiosas, pertencen a xentes de vilas e cidades de Portugal, República Checa, Alemaña e Hungría e foron tomadas entre os anos 2012 e 2014.

–

Alberto A. Pereira, A Guarda, 1964.
Son un fotógrafo independente.

Unha pequena cámara é a miña compañeira e ferramenta coa que actualmente me adico a percorrer as rúas e ser testemuña do que pasa nelas.
As miñas imaxes teñen sido publicadas en medios escritos e dixitais, como o xornal La Voz de Galicia, a revista Querty Magazine ou a americana Edge of Humanity Magazine e foron expostas en salas de Vigo, Santiago, Lisboa, Miami, Londres…

Concursos / premios:
– Finalista no London Photo Festival – Street Photography Competition 2016
– Finalista no Miami Street Photography Festival (MSPF) 2015

–